USD87.45EUR96.10RUB1.06
24.kg

Жарандык никедеги күйөөсү өрт койгон аялдын абалы туруктуу

09:52, 10 января 2020, Бишкек - 24.kg

Жарандык никедеги күйөөсү өрт койгон аялдын абалы туруктуу. Бул тууралуу 24.kg агенттигине Ысык-Көл облустук бириктирилген ооруканасынан билдиришти. 

Маалыматка караганда, жабырлануучунун бети, эки колу, саны жана курсагы күйгөн.

«Аялдын денесинин 5-6 пайызы күйүк алган. Учурда бейтап керектүү дарылануудан өтүүдө. Аны туугандары зыярат кылып, ал-абалын сурап жатат», — деп билдиришти редакцияга.

Белгилей кетсек, журналисттерге жабырлануучу Сатина жарандык никедеги күйөөсү мындай кадамга кызганычтын айынан барганын айткан. «Мен күйүп жатканда, эл жөн гана мени карап турушту», — дейт ал.

Эске салсак, Ысык-Көл облусуна караштуу Каракол шаарында жубайына бензин чачып, өрттөп жиберүүгө шектүү делип анын жарандык никедеги жолдошу кармалганын Ысык-Көл ОИИББдан тастыкташкан.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18