USD87.45EUR96.10RUB1.06
24.kg

Батукаевдин иши. Атамбаевдин оорусуна байланыштуу отурум жылдырылды

16:13, 12 декабря 2019, Бишкек - 24.kg

Биринчи май райондук сотунда мыйзамдагы ууру Азиз Батукаевдин мыйзамсыз бошотулушу боюнча соттук териштирүү башталды.

Бүгүнкү отурум мурунку президент Алмазбек Атамбаевдин өзүн начар сезгендигине байланыштуу, кийинкиге жылдырылды. Бул тууралуу жактоочу Сергей Слесарев билдирди.

Анын айтымында, сотко УКМКнын тергөө абагынан Алмазбек Атамбаевди дарыгерлер карап жатат деген маалымат түшкөн. «Бул кан басымына байланыштуу болушу мүмкүн», — деди жактоочу.

Буга чейин мурунку мамлекет башчы процесске катышуудан баш тартып, тергөө абагындагы камерадан чыкпай келген. Мындан улам соттук отурум жылдырылган.

Иш боюнча 19 киши айыпталууда, алардын арасында Алмазбек Атамбаев дагы бар.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18