USD87.45EUR96.10RUB1.06
24.kg

Футболдук беттеш. Бишкекте борбордук көчөлөр жабылат

16:43, 18 ноября 2019, Бишкек - 24.kg

Эртең Бишкекте футболдук беттешке карата айрым көчөлөрдө унаа кыймылы чектелет. Бул тууралуу ИИМдин Жол кыймылынын коопсуздугун камсыздоо башкы башкармалыгынан билдиришти.

Эске салсак, футбол боюнча дүйнө чемпионатына тандоо оюндарынын алкагында, эртең Кыргызстан менен Тажикстандын футбол боюнча курама командалары беттешет. Оюн Дөлөн Өмүрзаков атындагы стадиондо саат 20:00до башталат.

Кечки саат 17:00дөн баштап Тоголок Молдо көчөсүнүн Чүй проспектисинен Фрунзе көчөсүнө чейин, Фрунзе көчөсүнүн Исанов көчөсүнөн Панфилов көчөсүнө чейинки бөлүгү жабылат.

Эске салсак, буга чейин Кыргызстандын улуттук курама командасы Жапондуктардан утулуп калды. Оюндун биринчи бөлүгүнүн 41-мүнөтүндө жана экинчи бөлүктүн 53-мүнөтүндө атаандаштар дарбазага топту киргизишип, эсеп 2:0 болду.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18