USD87.45EUR96.10RUB1.06
24.kg

Канат Сагымбаевдин иши боюнча 16 экспертиза дайындалды

10:03, 18 ноября 2019, Бишкек - 24.kg

УКМКнын Тогузунчу кызматынын мурунку кызматкери Канат Сагымбаевдин иши боюнча 16 экспертиза дайындалды. Бул тууралуу 24.kg агенттигине анын жактоочусу Бакытбек Автандил уулу билдирди.

Анын айтымында, баллистикалык экспертиза дагы жүргүзүлүүдө. Эксперттер «Альфанын» командиринин орун басары Үсөнбек Ниязбековго кайсыл куралдан ок атылганын аныкташа элек. 

Юристтин билдирүүсүндө, айыпталуучунун иши боюнча тергөөнү дагы 2 айга узартышы мүмкүн. Канат Сагымбаев тергөөчүлөрдүн суроолоруна жооп бербей, жүздөштүрүлгөн маалда унчукпай жатат.

Буга чейин Канат Сагымбаев КСДП саясий уюмунун мүчөсү Алга Кылычев менен беттештирүүдөн баш тарткан.

Эске салсак, мурунку мамлекет башчы 8-августта бийликке багынып бергенден кийин, ошол эле кечте ИИМдин сурагына Канат Сагынбаев дагы алынып келинген. Ага Кой-Таштагы башаламандык фактысы боюнча кылмыш ишине катыштыгы бар делип айып коюлган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18