USD87.45EUR96.10RUB1.06
24.kg

Түкүрүктөн «жылдызга» айлануу. Рамис Закирияев бир ай мурда youtube канал ачкан

17:12, 08 января 2019, Бишкек - 24.kg

Жогорку Кеңешти карай түкүргөн видеосун элге жарыялаган Ысык-Көл облусунун тургуну Рамис Закирияев бир ай мурда youtube канал ачып, видеоблогер катары иштей баштаган.

Видеоблогер шайлоого, жогорку окуу жайлардагы коррупцияга жана башка коомдогу көрүнүштөргө сын пикирин жарыялаган. Рамис Закирияев дипломун дагы өрттөгөн.

«Мен дипломду сатып алганмын. Эми жумушту да сатып алышым керек», — деп ал кесиби менен жумуш таба албай, дипломун пайдалана албаганын мойнуна алат.

Бирок, баардык видеолорунун ичинен түкүрүккө айып пул төлөө чарасына каршы кадамы ийгиликтүү болуп, эң көп каралып, белгилүүлүктү алып келди.

Эскерте кетсек, Рамис Закирияев түкүрүгү боюнча милицияга түшүнүк кат жазды. Анын жоопкерчилиги учурда каралууда. Тартип бузган жаранды айрым интернет колдонуучулар колдоого алып, «түкүрүк баатыр» деп аташкандары да бар.

Жаңы мыйзамга ылайык коомдук жайларда түкүргөн жарандар 5 миң 500 сомго айып пулга жыгылат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18