USD87.45EUR96.10RUB1.06
24.kg

Депутаттар Унаа жана жолдор министри кызматтан эмнеге кетпей жатат дешүүдө

17:55, 13 декабря 2018, Бишкек - 24.kg

Жогорку Кеңештин депутаттары эмне үчүн Унаа жана жолдор министри Жамшитбек Калилов кызматтан кете элек деп кызыгышууда. Бул тууралуу депутаттар отурумда айтып чыгышты. 

Абдывахап Нурбаевдин айтымында, министрликте кыжырды кайнаткан окуя катталды. Министрдин орун басары пара алып жаткан жеринен кармалды, бирок өкмөт башчы Жамшитбек Калиловду азыркыга чейин кызматтан кетире элек.

«Премьер-министр дагы бул ишке тийиштиги бардай таасир калтырууда», -деди депутат. Жамшитбек Калиловдун министр болуп калууга моралдык укугу жок деп эсептейт ал.

Аны депутат Алтынбек Сулайманов колдоп чыкты. Айтымында, тергөө кандай жүрүп жатканын жана жыйынтыктары кандай болгонун билүү үчүн маалыматты сурашы керек.

Эске салсак, министрдин орун басары Азимкан Жусубалиев 5-декабрда 50 миң доллар пара алып жаткан жеринен кармалган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18