Бишкекте Ирактын өкмөттүк күчтөрүнө каршы Сирияда согушка катышкан 31 жаштагы жаран кармалды. Бул тууралуу УКМКнын басма сөз борборунан билдиришти.
«Кыргызстандын жараны М.У. чет өлкөдө иштеп жүргөндө дистанттык түрдө жумушка алынып, андан кийин 2015-жылдын август айында Түркия аркылуу транзит менен Сирияга кеткен», — деп айтылат маалыматта.
Фото УКМКнын басма сөз кызматы. Шектүү
УКМК кармалган жаран Ирактын Мосул шаарындагы логистикалык лагерлерде диверсиялык жана күжүрмөн даярдыктан өтүп, эл аралык террордук уюмдун катарында Ирактын өкмөттүк күчтөрүнө каршы согуштук аракеттерге катышканын кошумчалады. Ал УКМКнын тергөө абагына киргизилди.
