Биринчи Май райондук сотунда ЖЭБдеги кырсык боюнча УКМК тарабынан козголгон 4 иштин бирөөсү боюнча соттук угуулар уланып жатат.
Улуттук энергохолдингдин мурунку башчысы Айбек Калиевдин жактоочусу Бактыбек Жумашев баш коргоо чараны өзгөртүп, үй камагына чыгарууну өтүндү.
Юристтин айтымында, Айбек Калиев -үй-бүлөсүн жалгыз баккан үй-бүлө мүчөсү. Анын жубайы кош бойлуу, иштей албайт. Мындан тышкары ал көп балалуу ата. Бирок, күнөөлөп жаткан тарап жактоочунун айткандарына каршы чыкты. Айтымында, Айбек Калиев мамлекетке көп миллиондогон чыгаша алып келген, ал өлкөдөн качып кетиши мүмкүн.
