09:06, 24 октября 2018, Бишкек - 24.kg
Кыргызстандык бийчилер Казакстанда өткөн спорттук жана бал бийи боюнча Dance Quality 2018 мелдешинде 15 медалдын ээси болушту. Бул тууралуу аталган спорттун түрү боюнча федерациядан маалымдашты.
Билдирүүгө караганда, иш-чара Алматыда өттү. Ага Казакстан, Кыргызстан жана Өзбекстандан келген бийчилер катышкан.
Кыргызстандык бийчилердин 6оосу биринчи орунду, 5өө экинчи орунду, 4өө үчүнчү орунду ээлешти.