11:18, 18 октября 2018, Бишкек - 24.kg
Мурдакы премьер-министр Сапар Исаков абакта калтырылды. Бул боюнча чечимди бүгүн Бишкек шаардык соту кабыл алды.
Анын жактоочулары Биринчи Май райондук сотунун аны 5-декабрга чейин камакта калтыруу чечимин жокко чыгарууну өтүнүп, шаардык сотко кайрылган.
Бишкек ЖЭБин жаңылоого байланыштуу кылмыш ишинин алкагында айыпталган Исаков 5-июнда камакка алынган.
Соттук отурумдарда Исаков тергөөгө жардам берүүгө даяр экендигин, өлкөдөн чыгып кетпестигин айтып, бөгөт чарасын өзгөртүүнү суранды.