24.kg агенттигинин окурмандарынан келип түшкөн суроолорго Дин маселелери боюнча маалымат жана кеңеш берүү борборунун адистери (теолог, юрист, психолог) жооп берет.
Суроо: Ислам боюнча ажырашкандан кийин балдар ким менен калыш керек?
Жооп: Абу Ханифа мазхабу боюнча ажырашуудан кийин жаш балдар апасы менен калганы туура. Анткени апа гана кичинекей курактагы баланын кылык-жоругуна чыдай алары айтылат.
Негизи баланы апасы менен калтырууда бир нече талаптар бар:
— Аял динчил болушу шарт;
— Уурулук жана башка кылмыштан алыс жүргөн;
— Аялдын экинчи күйөөсү ага махрам болбошу керек.
Балдар жети жашка чейин, кыздар биринчи айызы келгенче апасынын колунда болот.