15:04, 01 октября 2018, Бишкек - 24.kg
Президент Сооронбай Жээнбеков журналист Уланбек Эгизбаевдин ата-энеси менен жолукту. Бул тууралуу Токтосун Шамбетов өзүнүн интернет баракчасы аркылуу билдирди.
Өлкө башчысы Уланбек Эгизбаевдин ата-энесине «Эрдик» медалын тапшырды.
Эске салсак, «Азаттык» радиосунун журналисти жайында Ысык-Көлдө эс алуу учурунда сууга чөгүп кеткен. Улан Эгизбаев мыкты иликтөөчү журналист катары белгилүү. Ал акыркы жолу Бишкектеги көрүстөндөгү жемкорлуктун бетин ачыа чыккан.