Алай районунда 60 метр бийиктиктеги жардан унаа кулап, айдоочу каза болду

Ош облусуна караштуу Алай районунда 60 метр бийиктиктеги жардан унаа кулап, айдоочу каза болду. Бул тууралуу ОИИБдан билдиришти.

Маалыматка караганда, кырсыктын кесепетинен жүргүнчү жабыркап ооруканага жеткирилди.

Гүлчө айылынын 1981-жылы туулган тургуну «Ниссан Примера» үлгүсүндөгү унаасы менен бара жатып, унаасын башкара албай калган. Натыйжада жолдун түштүк тарабындагы болжол менен 50-60 метр бийиктиктеги жардан кулаган.