Ырчы Зере Асылбек «Кыз» аттуу чыгармасынан кийин оз дарегине ар кандай коркутуп-үркүтүүлөргө даяр болгонун 24.kg агенттигине билдирди. Ырчы бул анын акыркы чыгармасы эмес экендигин айтты.
Маалыматка караганда, ага болгон коркутуулардан кийин арызды милицияга тапшырды. Буга чейин анын дарегине эгерде кыргыз элинин алдында кечирим сурабаса, анда аны өлтүрүп кетебиз деп коркуткан билдирүү келген.
«Менин клипим —бул менин чыгармачылыгым. Ырдын сөздөрү мага таандык. Коркутуулардан коркпойм, бул эч кандай маселени чечпейт. Реакция бар, демек бул нормалдуу көрүнүш», — деди Зере Асылбек.
ИИМ 24.kg агенттигине аталган факт боюнча териштирүү жүрүп жаткандыгын билдирди.
