11:37, 18 сентября 2018, Бишкек - 24.kg
Өкмөт министрлер кабинетинин жаңы түзүмү менен тааныштырууну кечеңдетип жатат. Бул тууралуу Конституциялык мыйзамдар, мамлекеттик түзүлүш, сот-укуктук маселелер боюнча парламенттик комитеттин отурумунда депутат Айнуру Алтыбаева билдирди.
Ал өкмөт муну 15-сентябрда эле аткарабыз деп убадалаганын эскертти.
Буга жоопту биринчи вице-премьер Кубатбек Боронов берип, жаңы түзүм менен 1 жарым айдын ичинде тааныштыра тургандыгын айтты.
«Тиешелүү иштер жүргүзүлүүдө. Түзүмдөрдү тааныштыруудан мурда бизде чече турган суроолор бар», — деди ал.