Исхак Масалиев «Таблиги Джамаат» диний кыймылына тыюу салууну сунуштады
14:06, 12 сентября 2018, Бишкек - 24.kg
Жогорку Кеңештин депутаты Исхак Масалиев Кыргызстандагы «Таблиги Джамаат» диний кыймылына тыюу салууну сунуштады. Бул тууралуу ал парламенттин отурумунда билдирди.
Айтымында, ШКУга мүчө өлкөлөр аталган кыймылды кара тизмеге киргизишкен. Кыргызстан дагы «Таблиги Джамаат» уюмун экстремисттик деп таанышы керек.
Бирок, УКМКнын жана ИИМдин бир дагы өкүлү депутатка аталган кыймыл Кыргызстанда эмне себептен ишмердүүлүгүн жүргүзүп жатат деген суроосуна жооп бере албады.
Учурда өлкөдө 2 жарым миң мечит иштейт.
