«Сапат» мектептери Түркиялык салык төлөөчүлөрдүн акчасына салынган
17:01, 10 сентября 2018, Бишкек - 24.kg
«Сапат» мектептери Түркиялык салык төлөөчүлөрдүн акчасына салынган. Бул тууралуу маалымат жыйында Түркиянын Кыргызстандагы элчиси Женгиз Камил Фырат билдирди.
Ал мектептин ишмердүүлүгүнө түшүндүрмө берип жатып, окуу жайдын жабылышы тууралуу кеп болбогондугун, жөн гана аны мамлекеттин карамагына өткөрүп берүү керектигин баса белгиледи.
««Себат» мурунку билим берүү мекемелери түрк салык төлөөчүлөрүнүн акча каражаттарына салынган. Мындан улам, биз аны мамлекеттин, «Маариф» фондунун балансына өткөрүүнү туура көрүүдөбүз», -деди элчи.
Анын айтымында, аталган фонд өзүнүн карамагында турган мектептерди ачуу ниетинде.