Кыргызстандык спортчулар грэпплинг боюнча дүйнөлүк чемпионатта 21 медаль утушту
11:11, 10 сентября 2018, Бишкек - 24.kg
Кыргызстандык спортчулар грэпплинг боюнча дүйнөлүк чемпионатта 21 медаль утушту. Бул тууралуу flograppling.com сайты жазып чыкты. Фото
Маалыматка караганда, спорттук иш-чара 6-9-сентябрь күндөрү Астана шаарында өттү.
Дүйнөлүк чемпионат мектеп окуучулары, кадеттер, өспүрүмдөр, чоңдор жана ардагерлер арасында өттү. Анда кыргызстандыктар 1 алтын, 6 күмүш жана 14 коло медалды багындырышты.
Кошумчалай кетсек, алтын медалды мектеп окуучусу Айдай Орозбекова утуп алды. Ал 57 килограмм салмак ченинде украиналык 1 жана орусиялык 3 спортчу менен беттешти.