Кырчын жайлоосунда 62 жаштагы киши эс-учун жоготуп дарыяга кулап түштү. Бул тууралуу Ысык-Көл облусунун ички иштер башкармалыгынын басма сөз кызматы билдирди.
Маалым болгондой, Бостери айылынын тургуну Бегалы Апсаматов көпүрөдөн өтүп бара жаткан маалда өзүн жаман сезип дарыяга кулап түшкөн. Окуя болгон маалда 2 тартип сакчысы жардамга келип, аны жээке алып чыгышкан.
Бегалы Апсаматовго медициналык жардам көрсөтүлүп, андан кийин үйүнө жеткирилген.