11:58, 06 сентября 2018, Бишкек - 24.kg , Элеонора Кыдырова
Кырчын этношаарчасында 126 аял Адамкалый Байбатыровдун «Тагылдыр тоо» чыгармасын ооз комуз менен аткарышты. Бул тууралуу «Түндүк көтөрүү» театрлаштырылган оюн-зоок иш-чарасынын катышуучусу Эркайым Абдырахманова 24.kg агенттигине билдирди.
Маалыматка караганда, учурда Кырчын жайлоосунда 500 кишинин катышуусунда маданий иш-чара өтүп жатат. Ысык-Көл облусунун атынан тигилген Ордодо улуттук кийимчен 126 аял баардыгы бирге ооз комуз чертишти.
Эске салсак, ар бир облустун өкүлдөрү өздөрүнө таандык Ордо курушкан. Бул жылы көлдүктөр 140 боз үй тигишти.