09:50, 14 августа 2018, Бишкек - 24.kg
Мамлекеттик ишканаларга коюлган эмгек акылар алардын финансы-чарбалык жыйынтыктарына жараша болот. Бул тууралуу өкмөттүн аппаратынын маалыматтык камсыздоо бөлүмү премьер-министрге шилтеме берип билдирди.
Өкмөт башчынын айтымында, натыйжасыз ишканалар жоюлуп же ишенимдүү башкарууга берилиши керек.
«Мамлекеттик ишканаларды башкарууга мыкты менеджерлер тартылып, мамлекеттик ишканаларды ишенимдүү башкарууга ɵткɵрүү тажрыйбасы киргизилет», — деди Мухаммедкалый Абылгазиев.
Өз сөзүндө өкмөт башчы мамлекеттик ишканаларды башкаруу жаатындагы учурдагы жаңы киргизүүлөргө басым жасады. Анын ичинде, күтүлүп жаткандай, «Кыргыз почтасы» акционерлештирилет жана почта-банк түзүлөт. Муну менен бирге «Кыргыз темир жолунун» башкаруу системасына жаңы стандарттар киргизилип, иштөө принциптери толугу менен каралып чыкмакчы.