09:16, 19 июля 2018, Бишкек - 24.kg
Бишкекте Комсомол менен Пионер көлүнө гана түшүүгө расмий түрдө уруксат берилген. Бул тууралуу вице-мэр Геннадий Милицкий билдирди.
Анын айтымында, аталган жайларда гана куткаруу топтору иштеп жатат.
«Калган жалпы пайдалануучу көлмөлөр нормага туура келбейт, мындан улам түшүүгө тыюу салынат», — деди ал.
Бишкек шаардык мэринин милдетин аткаруучу Бакытбек Дүйшембиев райондук администрацияларга калк арасында жайкы мезгилде сууга түшүү эрежелерин сактоо тууралуу түшүндүрүү иштерин жүргүзүүнү тапшырды.