Режеп Тайип Эрдоган Кыргызстанга расмий иш сапары менен келет
12:04, 18 июля 2018, Бишкек - 24.kg
Түркиянын президенти Режеп Тайип Эрдоган Кыргызстанга расмий иш сапары менен келет. Бул тууралуу маалымат жыйында ТИМдин башчысы Эрлан Абдылдаев билдирди.
Анын айтымында, Түркия лидеринин сентябрда келиши күтүлүүдө.
«Түркиянын президентинин ант берүү аземинен кийин сүйлөшүүлөр жүргүзүлгөн. Анын негизинде Режеп Тайип Эрдогандын Кыргызстанга келиши менен бир канча маанилүү документке кол коюу пландалууда», —деди Эрлан Абдылдаев.
Ал билдиргендей, аталган ведомство биринчи жарым жылдыкта 28 эки тараптуу жана 113 көп тараптуу эл аралык документтерге кол коюлган.
