17:20, 10 июля 2018, Бишкек - 24.kg
Бишкекте манасчы Жусуп Мамайдын 100 жылдыгына арналган эстелик тургузулат. Бул тууралуу маалымат жыйында манасчынын чөбөрөсү Тургуналы Турсуналы Жусуп Мамай тегин айтты.
Анын билдиргенине караганда, скульптор Тургунбай Садыковго таандык эмгек Улуттук филармониянын алдына тургузулат.
«Бишкек жана Ош шаарларындагы көчөлөрдүн бирине чоң чоң атамдын ысымын берүүнү сунуштап жатышат. Мындан башка Оштогу мектептердин бирин Жусуп Мамай деп атоону туура көрүшүүдө. Бирок, манасчынын 100 жылдыгын мамлекеттик деңгээлде белгилөө тууралуу чечим чыга элек», —деди Тургуналы Турсуналы Жусуп Мамай тегин.