USD87.45EUR96.10RUB1.06
24.kg

Орусияга иш издеп келген мигранттар жашаган жери боюнча гана каттоого турушат

11:10, 06 июля 2018, Бишкек - 24.kg

Орусия эмгек мигранттары үчүн эрежелерди күчөттү. Бул тууралуу Орусиянын федералдык миграция кызматы билдирди.

Маалыматка караганда, мындан кийин Орусияга иш издеп келген чет өлкөлүктөр жашаган жери боюнча гана каттоого тура алышат. Буга чейин жумуш берүүчү тарап келген мигранттарды мекемелердин юридикалык даректери боюнча каттоого тургузууга укугу бар болчу.

Жаңы эрежелер Кыргызстандын жарандарына дагы тиешелүү. Эгерде мигрант курулуш жүрүп жаткан жердеги вагондо жашап жатса, анда вагондо жашайт деп катталышы керек. Москва шаары жана Москва облусундагы батир ээлери чет өлкөлүктөрдү убактылуу каттата алышпайт.

Эске салсак, миграция мыйзамын бузгандарга административдик жаза колдонулат. Ал тургай депортация чаралары көрүлөт.

Орусиянын аймагында 650 миңге жакын кыргызстандык эмгектенет. Анын 70 миңден ашууну кара тизмеге киргендер.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18