13:55, 03 июля 2018, Бишкек - 24.kg
Ысык-Көлдөгү сегиз пансионат туристтерди кабыл алууга даяр эмес. Бул тууралуу маалымат жыйында экологиялык жана техникалык коопсуздук боюнча инспекциянын региондор аралык башкармалыгынын башчысы Тилек Текебаев билдирди.
Маалым болгондой, 2017-жылы 8 пансионат экологиялык жана техникалык эрежелерге жооп бербегендиктен иштеген эмес. Анын үстүнө коопсуздук эрежелерин аткаруу үчүн акча каражаты керектелет.
Бул жылы аталган инспекциянын буйругу менен «Казак Тукуму», «Белек», «Береке», «Телтору», «Академия наук», «Сосновая роща», «Кооператор», «Саякат смена» пансионаттары туристтерди кабыл албайт.