14:47, 22 июня 2018, Бишкек - 24.kg
Белгилүү журналист Шайырбек Абдырахман КТРКнын башкы директорунун орун басары болуп дайындалды. Бул тууралуу ал жергиликтүү сайттардын бирине билдирди.
Маалым болгондой, Шайырбек Абдырахман КТРКнын башкы директорунун радио уктуруулар боюнча орун басары катары иш алып бармакчы.
«КТРКнын байкоочу кеңешинин жыйыны 21-июнда саат 16:00дө болуп өттү. Жыйынга катышкан байкоочу кеңештин 12 мүчөсү тең менин талапкерлигимди жактырышты», — деди Шайырбек Абдырахман.