16:10, 20 июня 2018, Бишкек - 24.kg
Баткен районундагы «Кулунду» чек ара пунктунан чоочун паспорт менен Тажикстанга өтүүгө аракет кылган кыргызстандык аял кармалды. Бул тууралуу чек ара кызматынан билдиришти.
Маалыматка караганда, 1962-жылы туулган Р.А. аттуу айым текшерүү учурунда чек арачыларга 1974-жылы туулган Б.И. аттуу аялдын паспортун көрсөткөн. Териштирүүнүн жыйынтыгында Р.А. өзүнүн паспортун унутуп калгандыктан, тууганынын паспортун пайдалангандыгын мойнуна алды.
Тиешелүү документтер толтурулгандан кийин кармалган аял УКМК кызматкерлерине өткөрүлүп берилди.