11:25, 18 июня 2018, Бишкек - 24.kg
Акыркы бир жума аралыгында айдоочулар тарабынан 13 миллиондон ашуун сомго жол эрежесин бузуу фактылары катталды. Бул тууралуу Жол кыймылынын коопсуздун камсыз кылуу башкармалыгынан билдиришти.
Маалыматка караганда, 8-июндан 14-июнга чейин 23 226 жол эрежелери бузулган.
-Жол чыракка баш ийбөө — 815;
-Коопсуздук куру жок — 5410;
-Мас абалында унаа башкаруу — 160;
-Жол белгилерин сактабоо — 4422;
-Алдыңкы, эки капталындагы айнектери караңгылатылган унааларды башкаруу —73;
-Жогорку ылдамдыкта айдоо — 3059.
Ошондой эле, 672 унаа атайын айып унаа токтотуучу жайына киргизилди.
Салынган айыптын болжолдуу суммасы — 13 миллион 250 миң сомду түздү.