Жалал-Абад шаарынын мэри болуп Мураталы Тагаев шайланды. Мындай чечим жергиликтүү кеңештин депутаттарынын сессиясында кабыл алынды.
Маалыматка караганда, мэрлик кызматка талапкер болуп шаардык кеңештин төрагасы Мураталы Тагаев жана Жогорку Кеңештин экс-депутаты Камчыбек Ташиевдин бир тууган иниси Шайырбек Ташиев көрсөтүлгөн. Анда жыйынга катышкан 30 депутаттын 18и Мураталы Тагаевге, 11 депутат Шайырбек Ташиевге добуш беришкен. Бир депутат эки талапкерге тең каршы добуш берген.
Эске салсак, Жалал-Абад шаарынын мэри Салайдин Авазов май айында кызматынан бошотулган. Ал буга чейин Бишкек ЖЭБин модернизациялоо боюнча козголгон кылмыш ишинин негизинде камакка алынган.
