11:46, 05 июня 2018, Бишкек - 24.kg
Чолпон-Ата шаарынын жергиликтүү тургуну ири өлчөмдөгү баңгизат менен кармалды. Бул туураалуу Ысык-Көл ОИИБинин басма сөз кызматынан билдиришти.
Маалыматка таянсак, милиция кызматкерлерине «Көгүлтүр Ысык-Көл» санаториясынын кайык станциясында ири өлчөмдө баңгизаты мыйзамсыз сакталып жатат деген ыкчам кабар түшкөн. Аталган жерди текшерген учурда, капка салынган марихуана табылган. Ал 35-жаштагы жергиликтүү тургун А.Резванга тиешелүү экендиги аныкталды.
Шектүү убактылуу кармоочу жайга киргизилди.