21:15
USD 69.84
EUR 79.25
RUB 1.06

Чүйдөгү жол кырсыгында 5 киши жабыркады. 4 кыз мас абалында болушкан

Чүй районунда катталган жол кырсыгында 5 киши жабыркады. Бул тууралуу Чүй облустук жол кыймылын көзөмөлдөө башкы башкармалыгынан билдиришти.

Маалыматка караганда, «Ауди 100» үлгүсүндөгү унаанын айдоочусу рулга ээ боло албай жолдогу тосмону сүзгөн. Ар кандай жаракатка кабылышкан 4 кыз жана айдоочу ооруканага жеткирилди. Кырсыктагандардын баары Токмоктун тургундары.

Окуя 30-майда Токмок- Шамшы унаа жолунда болгон. Жабыркагандардын арасында баш мээси чайкалган, кабыргасы, бел омурткасы жана жамбаш сөөгү сынгандары бар.

Алдын ала алынган маалыматка таянсак, жабыркаган кыздар мас абалында болушкан.

Эң көп окулган жаңылыктар