11:46, 31 мая 2018, Бишкек - 24.kg
Чарбакты сугаруу үчүн ичүүчү таза сууну пайдаланган жарандарга 5 миң сомго чейин айып пул салынат. Бул тууралуу маалымат жыйында «Бишкексууканал» башкармалыгынын жетекчисинин орун басары Мурадин Сейдалиев билдирди.
Анын айтымында, жаңы конуштарда тургундар жайкысын сугат иштери үчүн ичүүчү таза сууну пайдаланышкандыктан, түтүктөрдөгү суунун басымы төмөндөп кетет.
«Биз жергиликтүү жашоочуларга сугат үчүн иче турган сууну колдонбогула деп түшүндүрүп жатабыз. Ушул жылы 16 көчө менен 625 турак үйлөрдү текшерип чыктык», -деди Мурадин Сейдалиев.