USD87.45EUR96.10RUB1.06
24.kg

Чүй облусундагы № 16 абакта үч киши оозун тигип алды

08:39, 31 мая 2018, Бишкек - 24.kg

Чүй облусундагы № 16 абакта үч киши оозун тигип алды. Бул тууралуу Жаза аткаруу мамлекеттик кызматынан билдиришти.

Маалыматка караганда, камактагылар колония жетекчилигинин аларды айып камерасына камоо тууралуу чечимине каршылык билдирип жатышат.

«Үч соттолуучу абактын ички тартибин бузган. Буга чейин да бир нече жолу бузган экен. Ошого байланыштуу колония жетекчилигинин чечими менен бир айга айып камерасына камалган. Ошол чечимге каршылык иретинде жана «бизди сабап, кыйнап атат» дешип акыйкатчыга кайрылышыптыр. Акыйкатчы институтунун өкүлдөрү келип, алар менен сүйлөшүп кетишкен. Баары мыйзамдуу экенин көзү менен көрүштү. Абакта эреже бузгандар ар кандай убакытка абак камерасына камалып турат», -деди аталган кызматтын басма сөз катчысы Элеонора Сабатарова.

Акыйкатчынын маалыматына караганда, камактагылар акцияны 25-майда баштаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18