Өлкөдө гемодиализ үчүн кезекке туруу жоюлду. Бул тууралуу Саламаттык сактоо министрлиги билдирди.
Маалыматка ылайык, 11 бейтап кезеги жетпей көз жумган. Ошондой эле гемодиализге муктаж болгон 120 бейтап Милдеттүү медициналык камсыздандыруу фонду аркылуу жеңилдетүүлөрдү алган. Бул багытта фондго кошумча 68 миллион сом бөлүнгөн.
«Бизге медициналык кызмат көрсөткөн тогуз жеке камсыздоочу ишкана менен макулдашуубуз бар. Үч күн аралыгында бейтаптардын 80 пайызы бул кызматтан пайдалана алды. 2018-жылы жалпы 600 бейтапка гемодиализ кызматын алууда жеңилдетүүлөр каралат», — деди ал.
