11:39, 17 мая 2018, Бишкек - 24.kg
«Сот системасынын башкы талабы- таза кадрлар». Мындай пикирин мамлекет башчы Сооронбай Жээнбеков сот системасын реформалоо боюнча кеңештин жыйынында билдирди.
Президент буга чейин сот системасын таза эмес кадрлардан арылтуу мүмкүн болбогонун белгиледи.
«Сот системасынын курамы өзгөргөндөн кийин дагы жарандардын аларга болгон доо арыздары азайган жок. Андыктан кадрларды тандап жатканда алардын кирешеси жана чыгашасы тууралуу айкындамалары текшерилиши керек. Андан тышкары моралдык-этикалык нормаларга көңүл бурулуп, кадрларды дайыма окутуп туруу талап кылынат. Таза жана ак иштеген кадрларсыз сот системасында реформа болбойт», — деди президент.