14:48, 07 мая 2018, Бишкек - 24.kg
Премьер-министр Мухаммедкалый Абылгазиев Ошко жүргүнчүлөр менен чогуу учту. Бул тууралуу маалыматты өкмөттөн ырасташты.
Алардын айтымында, өкмөт башчы бизнес класстан да баш тартып, эконом класска олтурду.
Эскерте кетсек, Мухаммедкалый Абылгазиев «Жалал-Абад» аэропортунун жаңы аэровокзалдык комплексинин ачылыш салтанатына катышат. Ошондой эле Жалал-Абад шаардык № 6- орто мектебинин курулушунун жүрүшү менен таанышат.
Ош облусунда Мухаммедкалый Абылгазиев Ана-Кызыл тилкесинин, Ачы, Кең-Сай массивдеринин өздөштүрүлүшү жана андагы жазгы-талаа иштеринин жүрүшүнөн кабар алат.
Буга чейин Сооронбай Жээнбеков Ошко катардагы каттам менен учкан. Ал анда мамлекеттик иш менен эмес, жеке иштери менен сапар алгандыгы айтылган.