10:04, 07 мая 2018, Бишкек - 24.kg
Премьер-министр Мухаммедкалый Абылгазиев бүгүн, Жалал-Абад жана Ош облусуна жумушчу сапары менен барат. Бул тууралуу өкмөттүн басма сөз кызматы билдирди.
Жалал-Абад облусуна сапарынын алкагында өкмөт башчы «Жалал-Абад» аэропортунун жаңы аэровокзалдык комплексинин ачылыш салтанатына катышат. Ошондой эле Жалал-Абад шаардык № 6- орто мектебинин курулушунун жүрүшү менен таанышат.
Ош облусунда Мухаммедкалый Абылгазиев Ана-Кызыл тилкесинин, Ачы, Кең-Сай массивдеринин өздөштүрүлүшү жана андагы жазгы-талаа иштеринин жүрүшүнөн кабар алат.
Мындан тышкары, премьер-министр Араван-Сай дайрасына салынган жаңы көпүрөнүн ачылышына катышып, андан соң 1941-1945-жылкы Улуу Ата Мекендик согуштун ардагерлерин Улуу жеңиш майрамы менен куттуктайт.