Бишкек-Ош жолунда катталган кырсыктан 3 киши каза болду. Бул тууралуу окуяга күбө болгондор билдирди.
Маалыматка ылайык, кырсык бүгүн, саат 06:30 чамасында Кудук-Сай айылынан алыс эмес жерде катталган. «Хонда Степвагон» үлгүсүндөгү унаа бакты барып сүзгөн.
Жол кырсыгынын кесепетинен эки кыз жана 23-24 жаш курагындагы жигит каза болгон. Айдоочунун айтымында, алар Кара-Көл шаарына бара жаткан. Учурда айдоочуга медициналык жардам көрсөтүлүүдө.
Андан тышкары жол кырсыгынын кесепетинен дагы эки киши жабыркап, ооруканага жаткырылган. Учурда каза болгондордун жана жабыркагандардын өздүгү такталууда.
