11:54, 10 апреля 2018, Бишкек - 24.kg
Бишкек-Ош жолунда оор жүк ташуучу унаа менен жеңил унаа кагылышты. Бул тууралуу ӨКМнын басма сөз кызматы билдирди.
Маалыматка ылайык, кырсык 9-апрелде саат 22:20да Бишкек-Ош унаа жолунун 407-чакырымында катталган. «MAN» үлгүсүндөгү оор жүк ташуучу унаа менен «Ауди-А4» үлгүсүндөгү жеңил унаа кагылышкан.
Окуя болгон жерге барган куткаруучулар айдоочуларга биринчилерден болуп жардам көрсөткөн. Жол кырсыгынан жабыркагандар жок.