05:59
USD 68.90
EUR 80.95
RUB 1.04

Шайлоодо Орусия жарандарынын 76 пайыздан ашыгы Путинге добуш берди

Шайлоодо Орусия жарандарынын 76 пайыздан ашыгы Владимир Путинге добуш берди. Путин тарапташтарына ыраазычылык билдирип, жаңы мөөнөтүндөгү пландары жөнүндө айтты.

Путин азырынча Конституцияны өзгөртүүнү пландабаганын жана жаңы премьер-министрдин талапкерлиги тууралуу ойлоно электигин билдирди. Ошол эле маалда ал учурдагы өкмөт башчы Дмитрий Медведевдин кызматта калар-калбасы жөнүндө берилген суроого жооп берген жок.

Путин дагы бир президенттик мөөнөт тууралуу суроону «бир аз күлкүлүү» деп атады: «Мен эмне, 100гө чыкканча отурмак белем? Андай болбойт», — деди ал.

Андан мурдараак Москванын Манежный аянтында өткөн «Орусия. Севастополь. Крым» деп аталган митингде сүйлөгөн Путин шайлоого катышкан бардык жарандарга ыраазычылыгын билдирген.

«Силер — биздин жалпы командабызсыңар. Бүгүн добуш берген жарандардын бардыгы — биздин жалпы улуттук чоң командабыз болуп эсептелишет», — деген ал.

Андан соң Путин өлкөнү биримдикке чакырып, «Орусияны ийгиликтер күтүп турганын» айтты.

Бюллетендердин 80 пайызы саналып бүткөндөн кийин Путин 76,18% менен алдыда. Экинчи орунда Коммунисттик партиянын талапкери Павел Грудинин ( 12,3%) келатат.

Эң көп окулган жаңылыктар