12:48, 02 марта 2018, Бишкек - 24.kg
Ысык-Көлдү өнүктүрүү фондунун мурдагы директору Руслан Элебесов Бишкекте кармалды. Бул тууралуу экономикалык кылмыштуулукка каршы күрөшүү боюнча мамлекеттик кызмат билдирди.
Чиновник тапшырылган мүлккө ээлик кылып алган деп айыпталууда. Соттун чечимине ылайык, Руслан Элебесов тергөө иштери аяктаганча 2 айга камакка алынган.
Каржы полициясынын Тергөө башкармалыгынын кызматкерлер тергөө иштерин жүргүзүүдө.
Өкмөттүн ошол кездеги Ысык-Кол облусу боюнча ыйгарым укуктуу өкүлү Эмилбек Каптагаевдин буйругунун негизинде Руслан Элебесов 2014-жылдын июнунда Ысык-Көлдү өнүктүрүү башкармалыгы дирекциясын жетектеген.