USD87.45EUR95.88RUB1.07
24.kg

БШК кош жарандыгын жашыргандар үчүн кылмыш жазасын киргизүүнү сунуштоодо

11:22, 28 февраля 2018, Бишкек - 24.kg

Борбордук шайлоо комиссиясы кош жарандыгын жашыргандар үчүн кылмыш жазасын киргизүүнү сунуштоодо. Бул тууралуу «24.kg» агенттигине БШК мүчөсү Гүлнара Журабаева билдирди.
Анын айтымында, депутаттыкка талапкерлердин кош жарандыгын жашыргандыгын, жалган маалымат берүү катары бааласа болот.

«Талапкер кош жарандыкка ээби же ээ эмесби БШК текшере албайт. Бирок, талапкер өзү башка мамлекеттердин тиешелүү кызматтарынын расмий жообу менен бирге, алардын жараны эмес экенин тастыктоочу так маалыматтарды алып келүүсүн мыйзам аркылуу бекитип койсок болот. Бардык документтер толук болгондон кийин гана БШК каттоого тургуза алат», — деди ал.

Кош жарандыкка ээ депутаттарды жана чиновниктерди жазалоо керек экендигин парламенттин депутаты Дастан Бекешев дагы колдойт.

Учурда комиссия БШКнын мурдагы башчысы Клара Кабилованын Россиянын жарандыгын алгандыгы

боюнча маалымат текшерилүүдө. Ал Гүлнара-Клара Самат деген ат менен Аида Салянованын ордуна «Ата Мекенден» Жогорку Кеңешке депутат болуп келет.

Кош жарандык маселеси парламент депутаты Асылбек уулу Дамирбек аткезчиликке шектелип Алматыда кармалгандан бери катуу талкууга алынууда. Казакстан бийлиги тарабынан Асылбек уулу Дамирбек Казакстандын жарандыгына ээ экендигин тастыктап, Кыргызстандын Тышкы иштер министрлигин расмий билдирүү жасаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18