15:29, 16 января 2018, Бишкек - 24.kg
Борбордук шайлоо комиссиясы Жогорку Кеңештин «Республика-Ата-Журт» фракциясынын депутаты Өмүрбек Бабановдун мандатын тапшыруу боюнча арызын карай албайт. Бул тууралуу «24.kg» агенттигине мекемеден билдиришти.
Алардын айтымында, депутаттын атынан жазылган арызды анын тарапташтары алып келишкен.
Өмүрбек Бабановдун жардамчысы Мирсулжан Намазалиев депутаттык мандатынан баш тартууга арыз жазганын жарыялаган. Партия лидери өзү Жаңы-жыл алдында саясаттан кеткендигин кабарлаган.