17:41, 29 декабря 2017, Бишкек - 24.kg
Түп районунда дайынсыз жоголгон жарандын жансыз денеси табылып, РИИБ кызматкерлерине өткөрүлүп берилди. Бул тууралуу Өзгөчө кырдаалдар министрлиги кабарлайт.
2017-жылдын 27-декабры күнү Ысык-Көл облусуна караштуу Түп районунун Санташ айыл аймагынын Сары-Төлөгөй айылынын тургуну А. Н.Ж. (1974-ж.т.) атуу жаран айылдын четиндеги кашарга барам деп үйүнөн чыгып кеткен бойдон дайынсыз болгон.
29-декабрь күнү Түп району боюнча Өзгөчө кырдаалдар бөлүмүнүн башчысы жана бөлүмдүн офицери, Түп РИИБнөн 37 кызматкери, Санташ айыл аймагынан 2 адам жана жергиликтүү тургундардан 30 адам издөө иш-чараларын жүргүзүшүп, 2017-жылдын 29-декабры күнү саат 13:00 чамасында Кең-Суу айылынын түштүк тарабынан дайынсыз жоголгон А.Н.Ж. атуу жарандын жансыз денеси табылып, Түп РИИБнүн кызматкерлерине өткөрүп беришти.