23:42
-6
USD 69.40
EUR 84.88
RUB 1.23
Кыргызча

Түркмөн бийлиги студенттерди стипендиядан баш тартуусун талап кылууда

Түркмөнстанда жогорку окуу жайлардын студенттерин стипендиядан өз ыктыяры менен баш тартуу боюнча арыз жазууга мажбурлашууда.

«Азаттыктын» түркмөн кызматы кабарлагандай, студенттер ата-энелеринин кирешелери тууралуу маалымкат тапшырышып, стипендияга муктаж эместиги тууралуу арыз жазууга аргасыз болушууда.

Магтымгулы атындагы Мамлекеттик улуттук университеттин атын атагысы келбеген студентинин айтымында, 2018-жылдын сентябрь айынан тарта стипендиялар берилбей турганы эскертилген.

1-январдан тарта студенттер үй-бүлө кирешеси тууралуу маалымкат тапшыруулары керек.

Бийликтин стипендияларды жоюу планын расмий булактардан тактоого мүмкүн болгон жок. Бул арада түркмөн ММКлары 2018-жылы 1-январдан тарта маяна, пенсия, стипендия жана социалдык төлөмдөр 10 пайызга жогорулай турагын маалымдашууда.

Түркмөнстанда жогорку окуу жайлардын студенттеринин стипендиясы 700-1100 манатты (Түркмөнстандагы расмий курс боюнча 3.5 манат – 1 АКШ долларына барабар) түзөт.

Эң көп окулган жаңылыктар