14:42, 20 декабря 2017, Бишкек - 24.kg
«Бүтүн Кыргызстан» партиясынын лидери Адахан Мадумаров журналисттерге депутаттардын чет өлкөгө сапарынын чыгымдарын эсептеп чыгууну сунуштады. Бул тууралуу ал бүгүнкү маалымат жыйында билдирди.
Саясатчынын айтымында. Жогорку Кеңештин төрагасы Дастан Жумабековдун Ташкентке сапарынын максаты белгисиз
«Эмнеге барды Ташкентке? Эмне ишти бүтүрөт экен? Мурда журналисттер депутаттардын иш сапарларын көп жазат эле. Азыр эмнеге каякка учуп, бюджеттен канча акча коротуп жатканын жазбайсыңар?» - деди Адахан Мадумаров.
Адахан Мадумаровдун пикиринде, Дастан Жумабеков Астанага учуп, ЕАЭБтин иштери боюнча сүйлөшүүлөрдү жүргүзсө туура болмок.