14:30, 21 ноября 2017, Бишкек - 24.kg
Жогорку Кеңештин депутаты Аида Салянованын иниси Улан Саляновдун өлүмүндө саясый мүдөө жок. Бул тууралуу бүгүн «Ата Мекен» фракциясынын жыйынында тергөө тобунун өкүлү билдирди.
Тергөө тобунун пикиринде, Улан Саляновдун үйүн тоноо аракети көрүлгөн. Шектүү кишилер аныкталды. Бирок, ИИМ тергөөгө шилтеп, алардын атын атоодон баш тартууда.
Жыйында депутат Аида Салянова өзүнүн жана үй-бүлөсүнүн коопсуздугун камсыз кылууну сурангандыгы айтылды. ИИМ бул өтүнүчтү жакынкы күндөрдө аткармакчы.
Жогорку Кеңештин депутаты Аида Салянованын иниси 5-ноябрда түн ортосунда үйүндө атып кетишти. Ал ооруканада жан берди.