10:45, 16 ноября 2017, Бишкек - 24.kg
Аскерлерге үй алуу шарттарын жеңилдетүү сунушталууда. Бул боюнча өзгөртүү «Аскерлердин макамы», «Прокуратура жөнүндө» жана башка укук коргоо органдары тууралуу мыйзамдарга киргизилет.
Мыйзам долбоордун демилгечилеринин айтымында, күнү-түнү жана майрам күндөрү дагы кызмат өтөгөн аскер жана укук коргоо кызматкерлеринин турак жай менен камсыздоо шарттарын жеңилдетүү менен өлкө аларга колдоо көрсөтөт.
Азыр аскер кызматкерлери үй алуу үчүн 20 жылдык тажрыйбасы керек болсо, мыйзам долбоордо бул талап 10 жылга чейин кыскартылат.