12:54, 14 ноября 2017, Бишкек - 24.kg
Жогорку Кеңештин «Республика-Ата-Журт» фракциясынын депутаты Өмүрбек Бабанов ден-соолугу жана фракция лидерлигинен кеткендигин себебин түшүндүрүп билдирүү жасады.
Ал саламаттыгы начарлагандыгы жана инсулть алгандыгы тууралуу маалыматтарды четке кагып, «бул ушак» дейт.
«Мен чет өлкөдө дарыланып жатам. Бирок ден-соолугум жакшы. Сиздер менен бирге Кыргызстандын өнүгүүсү үчүн күрөштү улантам. Парламенттеги «Республика-Ата-Журт» фракциясы штаттык режимде иштеп жатат. Фракциянын ишинин жигердүүлүгү үчүн лидерликтен кетип жатам» — дейт ал.
«24.kg» агенттигинин маалыматында, Өмүрбек Бабанов учурда Чехиядагы Карлова Вары курортунда дарыланууда.
Башкы прокуратура Өмүрбек Бабановго каршы конституциялык түзүмдү күч менен алмаштырууга чакырык таштоо жана улут аралык кастыкты козутуу кылмыш ишин козгогон.